AstroRashifal.com lekar aa raha hai , kumbh rashifal 2015, jo batayega aapako aapake pariwarik jiwana, swasthay , prem w waiwahika, kary kshetra, aarthik sthiti, shiksha aur upay ke bare me. aaiye ab janate ki kumbh rashi ke jatakon ke liye yah warsh kaisa rahega.
Is sal ke pahale bhag men prem aur wiwah ke sanyog jyada achchhe nahin hai jabaki warsh ke doosara bhag kafi behatar hai. warsh ke pahale bhag men aapako ek ek kadam foonk foonk kar rakhana hai, aapako apane prem patr athawa jiwanasathi ki bhawana ka samman karana hoga falatu ki jid se bache warana sanbandho men darar aate der nahin lagegi. warsh ke doosare bhag men aapake pas khushiyan ki khushiyan hongi, aapaki aapake prem patr athawa jiwanasathi ke sath achchhi banegi. is samay wiwah athawa sagaee ke shubh yog bhi ban rahe hain.
Is sal pariwarik mamalo men mila jula asar dekhane ko milega. sal ke pahale bhag men aapake ghar men man mutaw ho sakata hai, ho sakata hai ki aap apane pariwar ke kisi sadasy ko lekar man men chinta kare. is samay aapako bahut sawadhani se ghar ko chalane ki jarurat hai. is samay aapake prati aapake pariwar ke logo ka rawaiya thoda sahi nahin hoga. sal ke doosare bhag men aapake rishte pariwar ke logo ke sath achchhe honge aur pariwar ke logo ka rawaiya aapake prati kafi achchha ho jayega. is samay aapako aapake doston, rishtedaron ka bhi poora sahayog milega. sal ke doosare bhag men pariwar men koee mangalik kary ke yog bhi ban rahe hain.
Yah sal swasthay ke hisab se kamajor shuruaat ke sath shuru hoga. is samay ho sakata hai ki aapaka pet kam na kare ya fir pet se sambandhit bimari se aap ghire rahe. is samay aapako ye bhi mahasoos ho sakata hai ki aapaki sharirik aur manasik urja dhire dhire karake kam ho rahi hai. lekin ghabaraiye nahin santulit khan pan se aap isase bach sakate hain, ghar ka bana khana hi khaye bahar ke khane ka parahez kare. is samay ho sakata hai ki aapako fizool ki yatra karani pad jaye aur atirikt kam ka bojh aapako thaka bhi sakata hai. warsh ka doosara bhag aapake liye kafi achchha hai, is samay aap swasthy mahasoos karenge.
| Graha | Bhav |
|---|---|
| Shani | Dashven |
| Ketu | Dusare |
| Brihaspati | Chathe/Saptam |
Is sal aap mahasoos karenge ki aap jitani mehanat kar rahe hain parinam utane achchhe nahin mil rahe hain. ho sakata hai ki chhote se kary ko karane ke liye bhi aapako bahut mehanat karani pade. rookawate jarur aayengi lekin aapake kam jarur poore honge. jo log naukari karate hai unake liye samay achchha hai, agar aap sachche man se mehanat karenge aur apane kary men lage rahenge to aapako pramoshan mil sakata hai. warsh ke doosare bhag men agar aap wyawasay se jude huye hai to ho sakata hai ki aap naya wyawasay shuru karen aur usame labh bhi hoga parantu aapako yah dhyan rakhana hoga ki aap ek samay men ek hi kam kare aur usi ko badhane ka prayas karen.
Aarthik mamalo men yah sal kafi achchha rah sakata hai. aap chahe naukari kare ya wyawasay aapako dhan ki kami mahasoos nahin hogi. parantu doosare ghar men ketu wirajaman hai jo ki yah darshata hai ki aap kamayenge achchha lekin wo sath hi sath kharch bhi ho jayega aap dhan jod nahin payenge. halanki lagatar aapako dhan ki prapti hoti rahegi lekin aage ke liye aapako thoda dhan ko bachakar chalana padega aur aapako yah dhyan rakhana hai ki agar aap koee bada niwesh kare to usase pahale achchhi tarah soch samajh len.
Yah sal widhyarthiyon ke liye achchha rahega. agar aap pratiyogi parikshao ki taiyari kar rahe hain to aapako safalata mil sakati hai, lekin yah tabhi hoga jab aap achchhi mehanat karenge, aapako aalasy ka tyag karana hoga. sal ka doosare bhag bhi kafi achchha hai, agar aap door jakar ya widesh jakar padhaee karana chah rahe hain to aapako safalata mil sakati hai, bas yahan bhi aap mehanat se ji na churaye.
Chandi ka ek chaukor tukada apane pas rakhen. naye kapade pujari ko dan karen.
